| أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه. |
روابط اخرى تخص شبكة كنوز
|
لتلقى جديدنا قم بكتابة بريدك الالكترونى للاشتراك فى جروب كنوز
21-05-2009, 01:54 PM
|
رقم المشاركة : ( 1 ) | ||||
 
|
الدراسة في الخارج ( موضوع شامل )
هذا الموضوع سأقدمه خصيصاً لأحبائي في منتدى كنوز الكرام الموضوع لكل من يريد الحصول على ماجستير أو تكملة دراسته في أي من الجامعات الأجنبية بمعنى آخر الحصول على الماجستير و الدكتوراة من خارجمصر ده طبعا. الموضوع ليس سهلاً و مكلف ماديا ويحتاج إلى وقت و جهد و حرق ومن الممكن أن تقدم سنة واثنان وثلاثة ولا تقبل ولكن مع الصبر وتوفيق الله سيتم القبول وكله توفيق من عند الله ---------------------------------------------------------------------------------- سأتكلم مبدئياً عن الامتحانات المطلوبةلاستكمال الدراسة في الخارج أول امتحان هو امتحانالTOEFL-IBT Test of English as a Foreign Lang uage -internet based test وهذا الإمتحان لإثبات القدرة على التحدث باللغةالانجليزية بطلاقة حيث أن كل جامعة لها شروطها الخاصة في الحد الأدنى من الدرجات لاجتياز هذا الامتحان وتتراوح بنسب متفاوتة بين 80 إلى 100 درجة الامتحان 120 متقسمة على 4أقسام reading,listening,speaking,wri ting بعض الجامعات تطلب حد أدنى من الدرجاتفي كل قسم على حدى وهذا الإمتحان ضروري للتقديم لأي جامعة في العالم يكون التدريس فيهابالانجليزية وهناك امتحان آخر شبية باللتوفل إسمه ال IELTS International English Lang uage Testing System ومن الممكن الاستعانة به بديلاً للتوفل ولا أعلم الكثير عن هذا الامتحان وللجامعات حد أدني للامتحان وهذا بيختلف من جامعة لاخرى وسنتكلم الآن عن الامتحان وطريقته كيفية التقدم لامتحان اللتوفل فيه طريقتين: الأولى أن تذهب لمركز إسمه الAMIDEAST هو في 23 شارع مصدق الدقي و تطلب التقديم لامتحان التوفل العالمي وليس المحلى وتدفع حوالي 1000 جنيه و بعد ذلك بيقدمولك على الامتحان و يدفعولكالفلوس. وهناك مراكز أخرى مثل YAT متخصصة في كورسات الكمبيوتر أيضاً بيقدم نفس الخدمة في فروع كتير مثل في مدينة نصر و الميرغني الطريقة الثانية وهذه الطريقة الأرخص والأسهل انكتعمل account على الموقع الالكتروني للتويفلwww.toefl.org و في الاكونت تكتب عنوانك و الرقمالبريدي لمنطقتك و تتأكد إنهم صح (يستحسن تروح لأقرب مكتب بريد عندك و تسألهم إيههو الرقم البريدي لمنطقتي لو حد عايز يبعتلي جواب من برة مصر أو تعرفه من الموقع ده http://www.egyptpost.org/ar/map.asp وإسمك يكون مطابق لإسمك في الباسبور لو اسمك مثلا محمد أحمد على محمد First name: Mohamed Middle name: Ahmed Ali Last name:Mohamed كده اسمك هيظهر في الاكونتMohamed Ahmed Ali Mohamed تختارالبلد و تختار إنك عايز تقدم على الامتحان هيظهر قدامك المواعيد المتاحة تختارالمعاد اللي يناسبك هتلاقي يظهر عندك الاماكن المتاحة (هتلاقي أماكن كتيرة في مصر ممكن تمتحنفيها غير اللي أنا ذكرتها فوق زي الجامعة الكندية مثلا و مراكز تانية كتير) اختارالمكان اللي يناسبك و قريب منك هتختار بعد كدة 4 جامعات عايز تبعتلهمالنتيجة بتعتك ببلاش كل جامعة ليها الكود بتاعها و كل كلية في الجامعة ليها كود داخلي و ممكنتلاقي القسم اللي انت مقدم عليه ليه رقم تاني . الارقام دي ممكن تعرفها من اللنك دهبس الأحسن تعرفها من موقع الجامعة اللي عايز تقدم عليها طريقة الدفع؛ هتدفع 150 دولار (طبعا أقل بكتير من اللي هتدفعه بالطريقة الأولى) عنطريق بطاقة الائتمان بتعتك و بعدها هيتبعتلك ميل و هيظهرلك صفحة اطبع أي واحدة فيهمعشان دي بتثبت انك دفعت فلوس الامتحان طبعا هييجي واحد يقوللي معنديش بطاقةائتمان ؛ الحل إنك تعمل واحدة إزاي: لعمل بطاقة شراء على النت تذهب لأقرب فرع للبنك العربي الأفريقي أو أي بنك يكون بيقدم خدمة كروت الائتمان تطلب كارت انترنت و بتدفع 10 جنية للكارت و بتملا بيانات شخصيةتفصيلية وتديهم الفلوس اللي عايز تحطها في الكارت يعني الامتحان ب150 دولار حط مثلا 900 جنيه؛الكارت بيتعمل في أسبوع بالكتير. بعد أما تستلمه اطلب تنشيط كارت الائتمان بتاعك و بكدة تقدر تدفع الفلوسللامتحان وأنصح بعمل الكارت ده في كل الأحوال سواء هتدفع بالطريقة الأولى أو التانية لأن كلالمراسلات للجامعات هتحتاج تدفع رسوم للجامعة و الرسوم دي أسهل طريقة للدفع هتكونبكارت الائتمان - أفضل بنك يقدم هذه الخدمة هو البنك العربي الأفريقي - كيف يتم الاستعداد للامتحان : الامتحان ليس صعباً بل يحتاج أن تستعد له حتى لا تتفاجيء بطريقته الامتحان 4 ساعات و نصف و فيه راحة 10 دقايق بعد ساعتين ممكن تستعد للامتحان بأنكتاخد كورس فيالAMIDEAST لمدة شهر و ثمنه حوالي 1000 جنيه(فيه امتحان دخول الأول ب50 جنيه) وبعدها تدخل الامتحان على طول و ممكن تذاكر مع نفسك لمدة شهر أو شهرين بالكتير وتجيب درجة كويسة و أنا أعرف ناس ذاكرته في أسبوع الموضوع يعتمد على مستواك في اللغةالانجليزية وهناك كورسات في الجامعة الأمريكية فيه كتاب الETS (ده كده يعتبر زي كتابالوزارة لما كنا في المدرسة و اللي فات زي الأضواء كدة) Book (pdf, 55 Mb): http://rapidshare.com/files/21 158816/McGHl-TheOfGTOEFL2006.PDF.rar Audio mp3 64 KBs (35 Mb): part 1 & part 2 or http://rapidshare.com/files/21 153449/McGrH-TheOfGiBT_AUDIO_64KBs.rar الكتابين دول مع سي دي الامتحانات بتاعلونج مان كافيين جدا لدخول الامتحان فيه بعض الخبايا و حاجات الواحد المفروضياخد باله منها في الامتحان بس ده ممكن أفرد له موضوع تاني للTOEFL بالتفصيل أهم حاجة تتدرب على جزء الspeaking كويس أوي لأنه يعتبر صعب عشان إحنا مشبنمارس اللغة في حياتنا اليومية فلازم تتدرب انك ترد على الأسئلة بطلاقة و إن شاءالله الموضوع بيمشي و الكتاب ده ممكن ينفع تاخد منه أفكار عشان كتابةالمقال Sample Essays for the TOEFL Writing Test (TWE) http://ifile.it/0radc4/toefl.e ssay.questions-1411607740.pdf لو حد عايز أي كتب تانية للتدريب ممكنيجيبها من www.gigapedia.org or www.englishtips.org النتيجة بتطلع بعد 3 أسابيع و بتظهر فيالأكونت بتاعك و الجواب بتاع النتيجة بيجيلك حسب التساهيل من 20 يوم ل 3 أشهر على مايجيلك و ممكن يضيع و ميجيش معظم الجامعات بتطلب النتيجة تتبعت عنطريق الETS يعني مينفعش تصور النتيجة و تبعتها بنفسك من الأكونت بتاعك بتطلب انت عايز تبعتفين (لو في جامعات تانية غير ال4 اللي ببلاش) و بتدفع على ما أتذكر 10 دولار عن كلمراسلة و الجواب بيوصل الجامعة على الأقل بعد أسبوع لو كان في أمريكا أما لو برةأمريكا فبياخد وقت شوية و طبعا تتابع مع الجامعة بالايميلات أوبالاتصالات إن الشهادة وصلت لأن ساعات بتضيع و تضطر تبعتها تاني أو تبعتلهم صورة (تكون عامل سكان للشهادة لما تجيلك بالبريد) و لو اتقبلت تبعتلهمالأصل -------------------------------------------------------------------------------------------- نيجي على الامتحانالتاني: هوامتحان الGRE تفاصيل الامتحان موجوده هنا: www.gre.org الامتحان ده مخصوص للي عايز يقدم فيأمريكا و فيه بعض الجامعات في كندا و أوربا و اليابانبيطلبوه هوامتحان صعب و يحتاج مذاكرة حوالي 4 أشهر على الأقل لكي تحصل على درجة كافيه للقبولفي جامعة محترمة الدرجة فيه من 1600 أعتقد انك تحتاج على الأقل إلى 1300 لكي ترفع منإمكانية قبولك و فيه جزء مقال تحتاج على الأقل إلى 4.5 من 6 لكي ترفع من إمكانيةقبولك. فيهحالات اتقبلت بأقل من كدة و فيه حالات متقبلتش و لو مقدم على دكتوراة على طول(من غيرماجستير) محتاج درجة عالية من لو مقدم على ماجستير التقديم هيكون من الموقع بس في الحالةدي مفيش أكونت ؛ هتكتب بياناتك زي ما عملت في التويفل و تدفع الفلوس 170 دولاربكارت الائتمان بس مفيش غير مكان واحد تمتحن فيه و هو الAMID EAST بالنسبة للاستعداد للامتحان يستحسن تاخد كورس بردو ب 1000 جنية في AMIDEAST بيطلبوا كتاب الETS بتاع الGRE يكون معاك عشان بيشتغلومنه ممكنتلاقو كتب كتير للتدريب على نفس الموقعين بتوع التويفل و أنا رفعت كتب و برامج ممكن تنفعكم فيالتدريب على اللنك ده http://tiny.cc/MLWpK و الباسوورد: sayadla منالكتب المهمة كتاب Barrons لأن فيه أهم 3000 كلمة تعرفهمللGRE جزءالرياضيات تافه جدا إنما جزء الانجليزي هو الجزء الصعب من الامتحان و الأمريكاننفسهم بيعانوا منه لو حد عايز أي تفاصيل أكتر تبع الامتحان يسألوا هنا في الموضوعده بالنسبةللنتيجة انت بتعرف نتيجة الجزء الإنجليزي و جزء الرياضيات في آخر الامتحان كل واحدمن 800 و المجموع يبقى من 1600 أما جزء المقال فبتعرفه لما النتيجةبتتبعتلك وفي آخر الامتحان بيطلب منه 3 أو4 جامعات اللي تحب تبعتلهم نتيجتكببلاش النتيجة بتتبعت بالبريد بردو في حدود شهر أو شهرين بس النتيجة بتطلع بدريعن كدة للأسف عشان نظام التقديم لل GRE عقيم فطريقة الحصول على النتيجة أكثررخامة بس الحمد لله في طريقة حلوة لتفادي الصرف الكتير فيه نمرة مجانية في أمريكا عشان تعرفنتيجتك بتاعت الGRE بس انت بتدفع فلوس عشان تعرف نتيجتك عن طريقالتليفون بصيا سيدي تنزل برنامج Skype من هنا www.skype.com رقم خدمة الGRE هنا 1888473726700 ميزة سكايب انه ممكن يتصل الأرقامالمجانية مجانا من غير متحط رصيد فيه ممكن تجرب تتصل من باب التسليه عشانتتأكد من كلامي ياريت تتكلم من خط دي إٍس إل عشان الصوت ميقطعش أو الاتصال يقطعخالص فكدةتبقى تجنبت الاتصال الدولي و كل اللي هتدفعه هو فلوس طلبالنتيجة يعني هيطلب منك تدخل أرقام الفيزا و كدة و بعدها واحدة بتقولك النتيجة فيرسالة مسجلة و انت لسة على الخط و بردو لو هتبعت لجامعات غير ال4 الليببلاش هتحتاج تتصل على نفس النمرة و بتحط أكواد الجامعات اللي هتبعت عليها بما انناجبنا في سيرة سكايب فبردو انت هتحتاج لما تبعت حاجتك للجامعات انك تتصل بيهم تتأكدإن الحاجة و صلت و تعرف ورقك وصل لغاية فين و كدة و النتيجة هتطلعامتا ميزةسكايب انك ممكن تتصل بمعظم دول أوربا (خطوط أرضية) و أمريكا و كندا(أرضي و موبايل) بحوالي 2.5 سنت في الدقيقة أعتقد ده أفضل من إنك تتصلدولي طبعاهتستخدم الفيزا كالعادة بس المرة دي الطريقة مقرفة شوية هتعمل أكونت في موقعاسمه http://www.moneybooker.com/app/ بعد كدة تدخل الأكونت و تدخل رقم الفيزا الموقع فيهسكيوريتي عشان يتأكد إنها الفيزا بتاعتك و إنك مشسارقها هيقولك أنا هسحب من الفيزا بين دولار و 2دولار و دخلاتسحب منك كام تخليه يسحب من هنا و تقوم تتصل باللبنك تعرف اتسحب منك كام بالضبطبالدولار تدخل الرقم و ليكن 1.62 متقلقش الفلوس دي مش هيكلوها عليك لأنهادخلت حسابك تسحب بقى 10 دولار أو 8.48 لو عايز يكون في الأكونت بتاعك 10 دولاربالضبط وهما بياخدو نسبة صغيرة زيادة حوالي 50 سنت على ما أتذكر تدخل على سكايب و تختار من أكونت إنكعايز تشتري كردت هتختار عن طريق موني بوكر بتتنقل أتوماتك للموقع و تدخل اليوسرنيمو الباسوورد و هتلاقي الموضوع مشي سلس هتيجي تبص على برنامج سكايب هتلاقي بقىعندك 10 دولار http://www.skype.com/prices/ca llrates/ -------------------------------------------------------------------------------------------- طيب نيجي للحاجات اللي ممكن تطلبها منكأي جامعة هتقدم لها لو فيه وثيقة بتصدر بالانجليزي مش محتاج تبعت معاها الأصلالعربي أمالو مكتوب على الوثيقة إنها مترجمة من العربي لازم تبعت الوثيقة العربيكمان هيطلبمنك الآتي 1-بيان درجاتك transcript طبعا هتبعت بالانجليزي أفتكر بيكون مكتوب إنهمصدر مش مترجم فمش محتاج تبعت العربي 2-الشهادة المؤقتة جامعاتأمريكا بتطلب إن الجامعة تبعت الوثيقتين اللي فاتوا و طبعا ده مبيحصلش عندنا فبعد أمابتستخرجهم تروح لمكتب العميد و تخليهم يطبعوا على ظرف (عليه بيانات جامعتك كأنهجواب رسمي مبعوت من الجامعة) اسم و عنوان الجامعة اللي عتبعت عليها و تدخلالوثيقتين و تخلي العميد يختم على قفلة الظرف كأن الظرف مبعوت من الجامعة اللي انتكنت بتدرس فيها بس فعليا إن حتحط الظرف المختوم ده في ظرف تاني كبير مع الجاجاتالتانية اللي انت هتبعتها 3-من 2 إلى 3 جوابات توصية recommendation letters من دكاترة تعرفهم و يعرفوك لأن في بعض الأحيان الجامعةبتتصل بواحد منهم عشان يتأكدوا إنك مش ضارب الشهادات إما إنك تكتب الجواب بنفسك+يكون فيهنمرة موبايلهم و إميلاتهم و هما يقروا اللي انت كتبته و يمضوا يا إما هم بيكتبوه ويمضوا (طبعا يتكتب على الكمبيوتر) يكون في الورقة شعار الجامعة أو الكليةو كدة بحيث تبان إنها ورقة رسمية و تكتب عن نفسك كلمتين حلوين و ازاي انالدكتور كان شايفك انك متفوق و متمكن من المجال اللي انت بتحبه و كلمتين حلوين كدةو متزودش عن صفحة و بعد أما الدكتور يمضي على الورقة تحطها في ظرف و تخليه يمضي على قفلةالظرف عشان يبان إنه هو اللي قفل الظرف بإيده فيه جامعات بتكون عندها فورمة لازمتستخدمها فممكن تملاها مع الدكتور أو لوحدك و ترفق جواب التوصية اللي فات بيها أوتنقل الكلام اللي في جواب التوصية و تحطه في الفورمة فيه جامعات كتير في أمريكا بتطلب إنالدكتور يملا جواب التوصية من النت و فيه جامعات بتديك الاختيار؛ في حالة النت فيهإيميل بيتبعت على إيميل الدكتور. الدكتور عن طريق الميل ده بيدخل على موقع تبعالجامعة و بيكتب جواب التوصية ممكن تقعد معاه أو تخليه هو يملاه بنفسه لما يجيلهالإيميل 4-فيه بعض الجامعات بتطلب نسخة من المناهج اللي درستها بالتفصيلSyllabus دي بتجبها من كليتك 5-فيه جامعات بالذات في أوربا بتطلب شهادة تثبت انتهاء المرحلة الثانويةزي شهادة الثانوية العامة أو الIGCSE أو الدبلومةالأمريكية. أنا هتكلم عن شهادة الثانوية العامة عشان دي أنا الليعملتها لازمتكون عارف رقم جلوسك و اسمك و سنة التخرج و مدرستك بتركب لمحطة مترو أنفاق السيدة زينب وتمشي كأنك رايح للنقابة ؛ متقفش عند دار الحكمة لأ كمل في الطريق كدة بتاع 200 مترو اسأل فين عمارة العرايس (اللي هي بتاعت شهادات الثانويةالعامة) هناك بتطلب بيان نجاح عربي و انجليزي و بيان درجات عربي وانجليزي (بتطلب العربي لأن الانجليزي مكتوب عليه إنه مترجم من العربي) مش زيشهادة الكلية مكتوب عليها مصدر بالانجليزي(مش مترجم) بعد كدة بتملا شويةورق الراجلهيرجعك تشتري 4 حوالات ثمنهم بين 8 إلى 8.5 جنيه غير الدمغات ههههههههههه بيرخموا و تروحله تاني ياخدمنك الحاجات دي .الشهادات العربي ممكن تاخدها في نفس اليوم بس هتتلطع كتير والانجليزي بعد أسبوع.فروح خدهم كلهم بعد أسبوع 6-فيه جامعات بالذات في كوريا و اليابانبيطلبوا يتأكدوا إنك من أب و أم غير كوريين أو يبانيين عشان حاجات ليها علاقةبالمنح البيانات دي هتلاقيها في شهادة الميلاد المترجمة من العربي؛تجيبهاإزاي؟ تروحلوزارة الصحة بشهادة الميلاد الأصل الكمبيوتر اللي طلعتها أكيد من القسم و أروح فينعشان أترجم الشهادة.لما توصل هناك هيدوك ورقة زي الفورمة تاخدها و تروحعند مكان اسمه الطبجي صعب أوصفلك هو فين بس هو 10 دقايق مشي من الوزارة و اللي يسألميتوهش هتدفع فلوس هناك عن عدد نسخ الشهادات اللي عايز تترجمها.هتدخل عند الراجلاللي قاعد على المكنة و تراجع البيانات معاه بعد أما يملاها . منالبيانات اللي بتتملي؛ جنسية الأب و الأم و بكدة تكون أثبت بوثيقة رسمية جنسية الأبو الأم 7-لازم هيطلب منك تكتب حاجة إسمها Motivation letter Or personal statement دي بتكتب فيها صفحة عن نفسك و عن طموحاتك في المستقبل و ليه اخترتالجامعة اللي مقدم عليها بالذات و ليه التخصص دهبالذات...إلخ 8-فيه بعض الجامعات في أمريكا و أستراليا و نيوزيلندا بيطلبوا تعادلشهادتك و المواد اللي درستها بالشهادة الأمريكية أكتر مكانين بيطلب تعمل معادلةالشهادة عندهم هم http://www.wes.org/ http://www.ece.org/ ادخل المواقع دي هتعرف الورق الليبيطلبوه عشان تعادل شهادتك عندهم لما تحب تبعت ورقك للجامعات وقت أماهتراسل يستحسن تبعت عن طريق الشركات المحترمة زيaramex,fedex,dhl,tnt و أرخصهم أرامكس و خدمتهم حلوة فيه بردو البريد المصري السريع كويسبردو و أرخص من كل اللي فاتوا و فيه middle east courier الفرع اللي أعرفه في سفير في مصر الجديدة حلو بردو ورخيص لوهتبعت لكذا جامعة في أمريكا و عندك حد هناك ممكن تبعتلو كل الأظرف على مرة واحدة وهو يبعتها داخلي بالبريد المسجل في أمريكا و بكدة هتكون التكلفة قليلة جداجدا لأن انتالمفروض تبعت لكل جامعة في أمريكا بعتتين واحد للكلية اللي مقدم عليها و واحدةلكلية الدراسات العليا اللي في نفس الجامعة اللي انت مقدم عليها(كل جامعة في أمريكاعندها كلية دراسات عليها) --------------------------------------------------------------نيجيبقى للوقت اللي تراسل فيه أحسن معاد تراسل فيه هو في آخر السنة منأكتوبر كدة يعني مثلا انت بتراسل من أول أكتوبر 2009(كل جامعة ليها معاد بس تقريباكلهم في حدود ال3 أشهر اللي في آخر السنة) عشان لو اتقبلت تبدأ الدراسة على سبتمبر 2010 فطبعالازم تكون ممتحن التوفل و ممتحن الجي أر إي(لو عايز تقدم في أمريكا) قبل الوقت دهبفترة كافيه و مجهز ورقك تقريبا كل جامعة تراسلها هتكلفك حوالي 500 جنيه -------------------------------------------------------------- طيب هتراسل أيالكليات دهحسب التخصص اللي انت عايزه Biochemistry and organic chemistry and analytical chemistry and microbiology are in the faculty of science يعني هتراسل كليات العلوم لو عايز تخصص مندول Also there are biochemistry and microbiology and pharmacology in medical schools ممكن في طب medicinal chemistry,pharmaceutics,clinic al pharmacy,pharmacology in pharmacy وطبعا صيدلة biotechnology in biotechnology or faculty of science الكلام اللي فات ممكن يكون فيه اختلاف في التقسيمات من جامعة لجامعة و منبلد لبلد أنا بس اللي عايز أوصله إن المراسلة مش مع كليات صيدلةبس -------------------------------------------------------------------------------------------- لو هتراسل أمريكا http://consusrankings.com/2008/ 05/04/us-news-best-graduate-pharmacy-programs-2008/ اللنك اللي فات ده فيه ترتيب كلياتالصيدلة في أمريكا قدم بقى حسب تقديرك و حسب درجاتك في التوفل معظم فرص الدكتوراة بتكون بمنحة يعنيبتشتغل زي معيد كدة و بتاخد فلوس على الشغل ده بس طبعا لازم تجيب درجة عالية فيالجي أر إي و درجة عالية في التوفل و بالذات في جزء التحدث عشان إنت هتتكلم معالطلبة الأمريكان تقريبا الحد الأدنى إنك تجيب 23 من 30 في جزء التحدث هيختلف شوية منجامعة لجامعة فيه جامعات أمريكية قليلة بتدي منح في الماجستير فلو درجتك في الجي أر إيمش قد كدة ممكن تقدم فيها فيه ناس بتروح في الماجستير في جامعةأمريكية عادية يعني مثلا في الثلاثينات أو الأربعينات في الترتيب و يثبت نفسه وييجي في الدكتوراة يروح جامعة في أول خمسة أو عشرة طبعا أنا هنا اتكلمت على كليات صيدلةأنا معرفش بقى ترتيب كليات العلوم في أمريكا مع الأسف بس أكيد مش هيكون مختلف كتيرعن كليات الصيدلة للتقديم في باقي جامعات العالم ممكن تستعينوا بالترتيب العالمي للجامعاتاللي موجود في الموقع ده http://www.arwu.org/rank2008/E N2008.htm و فيه كمان ترتيب حسب التخصص هنا http://www.arwu.org/ARWU-FIELD2008.htm اللي عايز يقدم ماجستير في أوربا ممكنيستعين بالموقع ده؛ لأنه فعلا موقع مفيد جدا http://www.mastersportal.eu/ فيه جامعات كتير في أوربا بتديالماجستير بالانجليزي زي ألمانيا و السويد و هولندا و فنلندا و الدنمارك و انجلتراو سويسرا دهغير إن فيه بعض برامج الماجستير بيكون فيها منح فيه دول زي ألمانيا و السويد و سويسراالدراسة فيها ببلاش يعني كل التكلفة هتكون تكلفة السكن و الأكل و الشرب فلو حد قادرماديا على التكلفة لمدة الدراسة (سواء سنتين أو سنة) ممكن يقدم في البرامج اللي مشبتقدم منح للي بيتقبلوا فيه بردو بعض الجامعات في أستراليا ونيوزيلندا بتقدم منح في الماجستيرو الدكتوراة على ماأتذكر فيكوريا الجنوبية إذا اتقبلت بتاخد منحة و المصاريف بتتشال و الدراسةبالانجليزي في اليابان فيه منح بردو فيه منح بتقدمها مصرزي http://www.fulbright-egypt.org/defaultF.asp كل سنة بينزل اعلان عنها بس دي لأمريكابس و بتقدم ورقك كله عن طريقها و هي بتقدملك في جامعات أمريكا كلها على ماأتذكر وفيهموقع البعثات المصري ممكن ينفعكم بردو http://www.mohe-casm.edu.eg/Main_menu/Grants/G rants.jsp فيه حاجات حلوة و فيه بردو مؤسسة القلعة عشان لو حداتقبل في جامعة و مجتلوش منحة هي بتديك منحة طوال فترة الدراسة بس لازم تكون مقبولفي جامعة ترتيبها عالي <!--[if !supportLineBreakNewLine]-->وإن شاء الله ربنا يكرمك وبالتوفيق إن شاء الله للجميع |
||||
|
|
|||||
    
|
|
21-05-2009, 02:01 PM
|
رقم المشاركة : ( 2 ) | ||||
|
رد: الدراسة في الخارج ( موضوع شامل )
تسلم كاري على الموضوع وقرأت البادئه فقط لا غير لي عوده لاكمال قراءة الموضوع
وبسأل في امكانيه للي عايشين بالخارج انهم يكملوا دراسة بكليات مصر عن طريق الانتساب مثلا !!! |
||||
|
|
|||||
|
|
|
21-05-2009, 02:12 PM
|
رقم المشاركة : ( 3 ) | ||||
|
بقْلـبي حََـسـ،ــرة
|
رد: الدراسة في الخارج ( موضوع شامل )
ما شاء الله ياكاري
موضوع شامل ما ينقصه شيء ومفيد جداً لطلاب العلم ادعولي ربنا يوفقني واكمل تعليم |
||||
|
|
|||||
|
|
|
25-05-2009, 03:33 PM
|
رقم المشاركة : ( 4 ) | ||||
|
رد: الدراسة في الخارج ( موضوع شامل )
تسلم اخ كارةى على الموضوع الجميل
|
||||
|
|
|||||
|
|
|
01-06-2009, 08:18 PM
|
رقم المشاركة : ( 5 ) | ||||
|
رد: الدراسة في الخارج ( موضوع شامل )
السلام عليكم
اخى الكريم افادك الله بما افدتنا به من معلومات لك منى عليها الشكر والتقدير الله لا يحرمنى من شروق شمسك على خاطرتى تقبل مروري المتوضع بتوضعى امام شخصكم |
||||
|
|
|||||
|
|
 |
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
(عرض الكل)
الاعضاء الذين شاهدو هذا الموضوع : 15
|
|
| , , , , , , , , , , , , , , |
| أدوات الموضوع | |
| انواع عرض الموضوع | |
العرض العادي
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| شرح عمل اول تصميم فلاشي لاي مبتدىء شامل جميع البرامج المطلوبه {من اعدادي} غصب بتفهم | تجربتي | لمَسَــَاتْ إبـّـداعْ مِـِـن مُبدعِـيــِـــِــِن | 0 | 29-04-2009 02:30 PM |
| الان شرح وضع باسورد لوايرلس مودم أفاق شامل (011) | Demo | ثـَــَوُرةُ الإتصَــَالاتْ والمَعْـلُـومـَات | 1 | 20-01-2009 11:47 AM |
| [ برنامج ] : لأصحاب Dsl شامل خذ لك مفتاح للكاسبر أصلي ولمدة سنة | Demo | حـَياَتُنـَــَا الـَرقـَمِـــِـيـِة | 0 | 16-10-2008 02:06 AM |
| [ شرح ] برنامج irRemote شرح كامل و شامل و الكمال لوجه الله تعالى | Demo | ثـَــَوُرةُ الإتصَــَالاتْ والمَعْـلُـومـَات | 0 | 30-08-2008 03:34 AM |
الساعة الآن 12:57 AM.
Powered by vBulletin
konoz Start 12.August.2008 - 2010, Secured By MooDeeY
we recommend using a Firefox Browser
we recommend installing Flah Player
vBulletin skin created by VillaARTS
konoz Start 12.August.2008 - 2010, Secured By MooDeeY
we recommend using a Firefox Browser
we recommend installing Flah Player
vBulletin skin created by VillaARTS
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1
